ถึงคราใบลานชะตาขาด

[ศศิศ]

สรีสวัสสดี อหํ อันว่า วนฺทามิ ข้าจะไหว้ แก้วแก่นไธ้ไตรสิกขา ผู้ทรงประหญาสัพพะสิ่ง ผู้เป็นมิ่งมลคลเองอ้าง ยิ่งกว่าอากาศกว้างแลพายบน เล็งหันหนสัตต์โลก ที่มีโศกทุกข์ยากเข็ญใจ หื้อได้ไปสู่ทิพพ์เทพพ์ อยู่ยังเขตต์เวียงแก้วเมืองสวัรค์ ตามที่หันมีมา ได้รจนาแปลงแต่งไว้ อายุร่วมได้หลายพันปี อันได้มีคนสาน ยังลูกหลานแลอ่อนหน้อย ทึงพระน้อยแลตนธรรม ได้น้อมนำมาสู่ หื้อได้รู้รสะอันอ่อนอ้อย อันเรียบร้อยด้วยคำดี ปารมีจิ่งบังเกิด อันเลอเลิศวิสุทธิ์ใส เป็นแคร่ไต้หื้อเล็งหัน ชุเมื่อคืนวันหื้อเปล่งแจ้ง บ่ได้เตื่อมแถ้งแลอันใด ตามมีนัยย์ได้ป่าวเอิ้น แต่เมื่อเนิ้นอันเดิมที ผ่องามดีถึงบ่าเดี่ยว อย่าเปล่าเปลี่ยวดวงธัย จักขานไขปุจฉา เป็นปัญหาถามไว้ เผื่อจักได้ทราบรู้ กันบ่อู้บ่จา บ่เกิดประหญามาได้ ว่าฉันใดเดี่ยวนี้ เถิงบ่มีคนจาร ยังลานธรรมพระเจ้า อันเป็นเค้าสาสนา อันเรียงมาบ่ซ้อย หื้อต่ำคล้อยและหมองศรี ค่าควรดีเอาเก็บไว้ บ่เคยอ่านได้สักตัว ก็ยังหมองมัวเสียเปล่า บ่มีใผเล่าใผเรียน บ่ได้เพียรคำรู้ เป็นกระทู้ปัญหา ว่ายะใดชาสืบไว้ ทึงเก่าก็ได้อันใหม่ก็หา แต่งเอามาแถมใหม่ เตื่อมใส่ไว้คู่กัน ยังบ่หันที่ได้ เจ้าม่อนไธ้ไขจา ออกคำมาอย่างอี้ ขอจุ่งกล่าวชี้ ตามคำมีนี้จิ่มแหล่....

[ศรีปิงเวียง]

 คำฮู้จากใบลาน บ่มีไผสนใจ๋ เพราะบ่ใจ้วิชาที่สอบ และบ่ฮอบฮูกำเมือง
จิ่ม แลนอ...

ป.ล. ถ้าใคร่อ่านคำในใบลาน ต้องอ่านตั๋วเมืองออก บ่าวน้อยนอก ๆ อ่านก็บ่จ้าง เลยบ่ได้อ่านสักกำ..    

[CrazyHOrse]

 ขอแถลงข้อสงสัย อันว่าใบลานนี้ ที่ผู้คนเลิกใช้ มิใช่ไร้คุณค่า หากว่ากระดาษนั้น มาถึงวันเวลานี้ สะดวกดีเขียนง่าย มีหลายแบบพกสะดวก บวกกับเรื่องราคา ที่ซื้อหาถูกเงิน หาได้เมินใบลาน แต่ต้องการศึกษา เนื้อหาของธรรมะ จะอยู่ในรูปไหน อย่าได้กังวลเลย ขอให้เผยแผ่ธรรม นำความดีสู่ชน ผู้คนเป็นสุขถ้วน ส่วนเรื่องใบลานนั้น ขอช่วยกันรักษา ด้วยว่าเป็นวัฒนธรรม ช่วยกันงำช่วยงบ อย่าให้ลบหายสูญ ปู่ย่าตายายพู้น คงจะไม่ว่าเลย บารนี