สำหรับทางเหนือก็มีบทอื่อกล่อมลูกครับผม ดังบทของพ่อครูคำผาย นุปิง ศิลปินแห่งชาติ ว่า
---------------
เออ เอ่อ เออ อือ อื่อ อือ......
หลับก็หลับเสียเต๊อะนาย
หลับก็็หลับเสียเต๊อะจิ้ว สายอะหลิ่งติ่งติ้ว แม่หนอ...
อี่แม่ไปโท้ง บ่มา อี่ป้อไปนา นอกบ้าน
จักเก็บหม่าส้าน ใส่ป๊กใส่เป๋า อื่อ อือ....
แม่จักเก็บลูกนกเขา มาต้อน
เจ้าอย่าไปไห้อ้อน จุ่งหลับ จา...
จา จ๋า..... หลับสองต๋าเต๊อะเจ้า
สิกก็สิกจา สิกจุ่งจา อี่หล้าจุ่งจ้อย
เบี้ยสองฮ้อย ไปกาดไปลี
ไปหาซื้อหวี ก็ได้หวีปากบ้าง
ไปหาซื้อจ๊าง ก็ได้จ๊างแม่หมู
ไปหาซื้อปลู ก็ได้ปลูตกปลูต่อย
หลับเต๊อะลูกหน้อย แม่จักไกว๋นาย....เออ.....เอ่
หลับก็หลับเสียเต๊อะนาย...... จักไปไห้อ้อน
กลัวลูกน้อย ลูกหน้อย แม่นี่นา ..เออ.......
สิกก็สิกจุ่งจา อี่หล้าแป้นกี่
เดือนสิบสี่ ก็จักขึ้นน้ำต๊อง
เดือนสิบสอง จักขึ้นมะหม้วย
จ๊างเข้าห้วย อี่วอกกิ๋นแต๋ง นายเฮย...
อกแมงแดง ต๋ายกลั้นต๋ายอยาก
อี่วอกเกี้ยวหมาก อี่โหวดเลี้ยงควาย
ควายกูหาย อี่ป้อกูด่า
เหล้นเข้าป่า เป๋นนกแต่นแหล้
เหล้นเข้าแป๋ เป๋นนกมะปู่
เหล้นเข้าปู่ หยุมหยาม นายเฮย...
หลับเต๊อะลูกสายใจ๋ แม่จักไกว๋นายนอน อือ อื่อ อือ....
---------------------
เข้าไปฟังได้ที่
http://www.geocities.com/sawasdeenan/sow.htm